Եմենի հութիները՝ «Անսար Ալլահ» ապստամբ շարժումից, հրթիռային հարձակում են գործել Թել Ավիվի Բեն Գուրիոնի միջազգային օդանավակայանի վրա։ Այս մասին հայտարարել է հութիների կողմից ստեղծված զինված ուժերի ներկայացուցիչ Յահյա Սարիան։
«Եմենի հրթիռային ուժերը գերձայնային բալիստիկ հրթիռով գրոհել են Բեն Գուրիոն օդանավակայանը, որը գտնվում է Յաֆֆայի շրջանում (Թել Ավիվ): Հրթիռը հաջողությամբ հասել է իր նպատակին՝ ստիպելով միլիոնավոր սիոնիստների փախչել ապաստարաններ և դադարեցնել օդանավակայանի գործունեությունը գրեթե մեկ ժամով»,-հաղորդել է «Հութիիրա» հեռուստաալիքը:
Ավելի վաղ իսրայելական զինվորականներն արձանագրել էին Եմենից հրթիռի հերթական արձակմանը։ Երկրի կենտրոնական հատվածում օդային հարձակման ահազանգ էր հայտարարվել։ Իսրայելական բանակի հայտարարության համաձայն՝ զինվորականներին հաջողվել է որսալ հրթիռը։ Հնարավոր անկման հետևանքով տուժածների կամ ավերածությունների մասին տեղեկություններ չկան:
