Թուրքիայում հնարավոր դիվանագիտական գործընթացների ֆոնին ռուսական զորքերը շարունակում են հարձակողական գործողությունները Ուկրաինայի արևելքում։ Գլխավոր թիրախը մնում է Դոնեցկի շրջանը, որտեղ Ռուսաստանի պաշտպանության նախարարությունը հայտարարում է Տորսկե բնակավայրի գրավման մասին՝ պնդելով, որ զորքերը հատել են Ժերեբեց գետը։ Կիևը դեռ չի հաստատել այս տեղեկատվությունը։
Ուկրաինայի գլխավոր շտաբը հաղորդում է, որ գրոհների գրեթե կեսը կենտրոնացած են Պոկրովսկի շրջանի վրա, որտեղ ռուսական զորքերը փորձում են վերահսկողություն հաստատել կարևոր մատակարարման ուղիների նկատմամբ։ Ուկրաինացի զինծառայողները CNN-ին ասել են, որ ռուսական անօդաչուների մեծ ակտիվության պատճառով դժվարանում են հասնել հրետանային դիրքերին, փոխանցում է CNN-ը։
Չնայած ռուսական ուժերի զգալի կենտրոնացմանը ճակատային գծից մեկ տասնյակ կիլոմետր խորքում, վերջին մեկ տարում նույնիսկ ամենաակտիվ մարտական գոտիներում առաջխաղացումն չի գերազանցել 50 կմ-ը։ Միևնույն ժամանակ, նախագահ Զելենսկին հայտնել է, որ ուկրաինական ուժերը շարունակում են ակտիվ գործողություններ վարել նաև Ռուսաստանի տարածքում՝ Կուրսկի և Բելգորոդի մարզերում։
