Մի շարք ոչ ամերիկյան ընկերություններ ցանկանում են ամրապնդել իրենց ներկայությունը ԱՄՆ-ում՝ մեղմելու նախագահ Դոնալդ Թրամփի մաքսային նոր քաղաքականության հետևանքները։ Գործարքների մեջ են շոկոլադ արտադրող Barry Callebaut-ը, ավտոմոբիլային հսկաներ BMW-ն, Nissan-ը, Honda-ն, ինչպես նաև տեխնոլոգիական գծով TSMC-ն, Inventec-ը և Samsung-ը։
Իտալական Lavazza-ն և Illy-ն, ինչպես նաև շվեյցարական դեղագործական հսկաներ Roche-ն ու Novartis-ը, հայտարարել են բազմամիլիարդ ներդրումների և նոր գործարանների կառուցման ծրագրերի մասին։ Nissan-ը դիտարկում է Sentra-ի արտադրությունը Մեքսիկայից տեղափոխել ԱՄՆ, իսկ Hyundai-ն ԱՄՆ-ում հիբրիդներ կարտադրի Ջորջիայի նոր գործարանում։
Ավելին՝ LVMH, Volvo, Campari և այլ բրենդներ պատրաստվում են մեծացնել տեղական արտադրությունը՝ պաշտպանելով իրենց շահերը հնարավոր մաքսատուրքերի աճից։ Մասնավորապես, Luxshare-ն ու Compal-ը մտադիր են տեղափոխել որոշ արտադրություն ԱՄՆ, իսկ LG-ն ու Samsung-ը դիտարկում են կենցաղային տեխնիկայի արտադրության տեղափոխումը Մեքսիկայից ԱՄՆ նահանգներ, փոխանցում է Reurters-ը։
