Իսրայելի պաշտպանության բանակը (IDF) հարվածներ է հասցրել Պաղեստինի արմատական ՀԱՄԱՍ շարժման գրոհայիններին Գազայի հատվածի հարավում գտնվող Խան Յունիս քաղաքում։ Այս մասին հայտնում է նրա մամուլի ծառայությունը։«Իսրայելի պաշտպանության ուժերը ճշգրիտ հարվածներ են հասցրել ՀԱՄԱՍ-ի ահաբեկիչներին, որոնք գործում էին Խան Յունիսում գտնվող Նասեր բժշկական համալիրում տեղակայված հրամանատարության և կառավարման կենտրոնից։
Այս համալիրն օգտագործվել է ահաբեկիչների կողմից՝ իսրայելցի զինվորների և խաղաղ բնակիչների դեմ ահաբեկչություններ ծրագրելու և իրականացնելու համար»,- ասել է մամուլի ծառայությունը՝ չնշելով թիրախ դարձած արմատականներին։Մամուլի ծառայությունը նաև նշել է, որ հարվածներից առաջ «անհրաժեշտ քայլեր են ձեռնարկվել խաղաղ բնակչությանը վնաս պատճառելու վտանգը նվազեցնելու համար, այդ թվում՝ ճշգրիտ զինամթերքի կիրառում, օդային հսկողություն և լրացուցիչ հետախուզական տվյալների հավաքում»։
Մարտին իսրայելական զինվորականները մի շարք ավիահարվածներ են հասցրել Նասերի համալիրին, ինչի հետևանքով սպանվել է ՀԱՄԱՍ-ի քաղաքական բյուրոյի առանցքային գործիչը:
