Հանձնաժողովը երկրորդ ընթերցմամբ քննարկել է Վարչական իրավախախտումների վերաբերյալ օրենսգրքում առաջարկվող փոփոխությունները

12.05 18:59 | Կատեգորիա Մամուլ

ԱԺ տնտեսական հարցերի մշտական հանձնաժողովը մայիսի 12-ի արտահերթ նիստում երկրորդ ընթերցմամբ քննարկել է Վարչական իրավախախտումների վերաբերյալ օրենսգրքում առաջարկվող փոփոխությունները: Հանձնաժողովի նախագահի տեղակալ Բաբկեն Թունյանը տեղեկացրել է, որ առաջին ընթերցմամբ ընդունված օրենքի նախագծի վերաբերյալ առաջարկներ է ներկայացրել Կառավարությունը:

ՀՀ էկոնոմիկայի նախարար Գևորգ Պապոյանը հիշեցրել է, որ 2024 թվականի հունվարի 1-ից գործում են ծխախոտային արտադրանքի նկատմամբ Մաքսային միության «Ծխախոտային արտադրանքի մասին տեխնիկական կանոնակարգով» սահմանված պահանջները: Դրանց համաձայն՝ ծխախոտային արտադրանքի սպառողական տուփերի վրա պետք է լինեն գրաֆիկական նախազգուշացումներով պատկերներ, որոնք կտեղեկացնեն սպառողներին ծխելու վտանգավորության մասին: Նախարարը նշել է, որ 2024 թվականի ընթացքում մի շարք արտադրողներ ու ներմուծողներ չեն հետևել այդ կանոններին, շուկայում մի շարք կազմակերպություններ տարբեր պատճառաբանություններով չեն համապատասխանեցրել իրենց արտադրանքը սահմանված պահանջներին, գերադասել են վճարել 400.000 դրամ սահմանված տուգանքը, ինչի հետևանքով բարեխիղճ տնտեսավարողների համար ստեղծվել են անարդար մրցակցային պայմաններ:

Գևորգ Պապոյանը տեղեկացրել է, որ Կառավարությունն առաջարկում է ավելի խստացնել կարգավորումները: Մասնավորապես, առաջարկվում է սահմանել, որ տեխնիկական կանոնակարգերի պահանջներին չհամապատասխանող ծխախոտային արտադրատեսակների կամ ծխախոտային արտադրատեսակների փոխարինիչների` Հայաստանում իրացման նպատակով արտադրությունը կամ ներմուծումն առաջացնում է տուգանքի նշանակում արտադրողի և ներմուծողի՝ տվյալ իրավախախտմանը նախորդող տարվա իրացման շրջանառության մեկ տոկոսի չափով: Առաջին ընթերցմամբ ընդունված օրենքի նախագծով այն նշանակվում էր արտադրողի և ներմուծողի՝ տվյալ իրավախախտմանը նախորդող տարվա հասույթի մեկ տոկոսի չափով:

Հաջորդ առաջարկը վերաբերում է տեխնիկական կանոնակարգերի պահանջներին չհամապատասխանող ծխախոտային արտադրատեսակների կամ ծխախոտային արտադրատեսակների փոխարինիչների՝ Հայաստանում իրացման հարցին: Կառավարությունն առաջարկվում է տուգանքի չափը սահմանել վաճառողին սահմանված նվազագույն աշխատավարձի վեցհարյուրապատիկից ինըհարյուրապատիկի չափով: Նշենք, որ առաջին ընթերցմամբ ընդունված օրենքի նախագծում այն նախատեսված էր վաճառողին սահմանված նվազագույն աշխատավարձի յոթհարյուրապատիկից հազարապատիկի չափով:

Հանձնաժողովը դրական եզրակացություն է տվել երկրորդ ընթերցմամբ ներկայացված լրամշակված օրինագծին:

Ամենաշատ կարդացվածներ

Ու՞մ հետ է ցանկանում մենամարտել Արման Ծառուկյանը

11.05 00:07 | Կատեգորիա Սպորտ

ԱՄՆ-ում սկսվու՞մ է անօրինական ներգաղթյալների «ինքնաարտաքսման» ծրագիրը․ ի՞նչ հրամանագիր է ստորագրել Թրամփը

10.05 23:49 | Կատեգորիա ԱՄՆ

Միայն Աստծուն է հայտնի` ինչ կլինի Ադրբեջանի հետ իշխանությունն ընտանիքի անդամ հաջորդ ժառանգորդին փոխանցելիս. Վարդան Ոսկանյան

11.05 00:36 | Կատեգորիա Մտքեր

Մարդավաճառության գործի մեջ ներքաշված Ջենիֆեր Լոպեսը՝ նոր սկանդալի կենտրոնում

10.05 21:51 | Կատեգորիա Ժամանց

Փաշինյանը գնաց «ցարի ոտը». Նիկոլից ավելի պրոռուսական գործիչ մենք չենք ունեցել. Արա Պապյան (տեսանյութ)

10.05 21:49 | Կատեգորիա Քաղաքական

Մոռացողը՝ ուրացող է, ուրացողը՝ պայքարող չէ, այլ հանձնվող ու ստրկացող է, քիչ անց՝ նա արդեն հայ էլ չէ՝ ձուլվող ու վերացող է․ Արմեն Այվազյան

09.05 23:44 | Կատեգորիա Մտքեր

Միշել Օբաման խոստովանել է, որ երբեմն ֆիզիկական պատիժ է կիրառել իր երեխաների նկատմամբ

10.05 22:37 | Կատեգորիա Ժամանց

Պեսկով. 30-օրյա զինադադարի քննարկումն անհնար է առանց բոլոր նրբությունները հաշվի առնելու

09.05 23:10 | Կատեգորիա Ռուսաստան

«Chevrolet»-ը Արտաքին գործերի նախարարության դիմաց վրшերթի է ենթարկել 2 հետիոտնի. վիրшվորներից մեկը արտգործնախարարության աշխատակից է

09.05 23:32 | Կատեգորիա Պատահարներ

ՈՒՂԻՂ

Ես չեմ տեսել, որ որևէ երկրի ղեկավար նման փողոցային վարքագիծ դրսևորի․ Վահագն Մելիքյան (տեսանյութ)