Եգիպտոսը բարձր է գնահատում Ռուսաստանի նախագահ Վլադիմիր Պուտինի առաջարկը՝ մայիսի 15-ին Ստամբուլում Ռուսաստանի և Ուկրաինայի միջև ուղիղ բանակցություններ վարել, հայտնում է Եգիպտոսի ԱԳՆ-ը։
«Եգիպտոսի Արաբական Հանրապետությունը բարձր է գնահատում ուկրաինական ճգնաժամի խաղաղ կարգավորմանն ուղղված կառուցողական դիվանագիտական ջանքերն ու շփումները, ինչպես նաև մայիսի 15-ին Ուկրաինայի հետ ուղիղ բանակցություններ վարելու ռուսական կողմի առաջարկը»,- ասվում է Եգիպտոսի ԱԳՆ հայտարարության մեջ։
Կիրակի օրը Ռուսաստանի նախագահ Վլադիմիր Պուտինը դիմել է ռուսական և արտասահմանյան լրատվամիջոցներին և առաջարկել Ուկրաինային վերսկսել ուղիղ բանակցությունները՝ առանց նախապայմանների՝ մայիսի 15-ին Ստամբուլում։
