ԱՄՆ նախագահ Դոնալդ Թրամփը շրջագայության կմեկնի Մերձավոր Արևելք, որի պաշտոնական մասը տեղի կունենա մայիսի 13-16-ը, կայցելի Սաուդյան Արաբիա, Կատար և Արաբական Միացյալ Էմիրություններ (ԱՄԷ):Բացի Հռոմի պապ Ֆրանցիսկոսի հուղարկավորության համար Հռոմ կատարած կարճատև այցից, սա նախագահի առաջին լիիրավ արտասահմանյան շրջագայությունն է հունվարի 20-ին պաշտոնը ստանձնելուց հետո: Նրա առաջին նախագահական ժամկետում (2017-2021) Սաուդյան Արաբիան դարձավ նաև առաջին երկիրը, որը Թրամփը այցելեց պաշտոնական այցով:
Սպասվում է, որ Թրամփը Ռիադում կմասնակցի ԱՄՆ-ի և Պարսից ծոցի համագործակցության խորհրդի գագաթնաժողովին:
Ամերիկյան լրատվամիջոցների փոխանցմամբ՝ նախագահն ակնկալում է ներկայացնել Մերձավոր Արևելքում ԱՄՆ-ի դերի և նպատակների իր տեսլականը։ Axios-ի աղբյուրների համաձայն՝ գագաթնաժողովը նախատեսված է մայիսի 14-ին։Շրջայցի հիմնական նպատակներից է լինելու տնտեսական գործարքների կնքումը և ներդրումներ ներգրավելը ամերիկյան տնտեսություն։
