Պակիստանը կքննարկի խաղաղությունը, եթե Հնդկաստանը դադարեցնի կրակը, ասել է Պակիստանի փոխվարչապետ և արտաքին գործերի նախարար Իսհակ Դարը Geo TV-ին տված հարցազրույցում։
«Պակիստանը միշտ խաղաղություն է ցանկացել, և եթե Հնդկաստանը դադարի հիմա, մենք նույնպես կքննարկենք խաղաղությունը և չենք հակադարձի և ոչինչ չենք անի։ Մենք անկեղծորեն խաղաղություն ենք ուզումլ»,-ասել է Դարը:
Մայիսի 7-ի գիշերը Հնդկաստանի պաշտպանության նախարարությունը հայտարարեց, որ ի պատասխան Պահալգամում տեղի ունեցած ահաբեկչության՝ իրականացրել է Sindoor գործողությունը՝ հարվածներ հասցնելով Պակիստանի տարածքում գտնվող «ահաբեկչական ենթակառուցվածքին»։
Իր հերթին, Պակիստանի իշխանությունները հայտարարել են, որ Հնդկաստանը հարձակվել է Պակիստանի հինգ բնակավայրերի վրա, որոնց հետևանքով առնվազն 31 մարդ է զոհվել, 57-ը՝ վիրավորվել։ Պակիստանի արտաքին գործերի նախարարությունը հայտնել է, որ Իսլամաբադն իրեն իրավունք է վերապահում համապատասխան արձագանքելու:
