Բելառուսի նախագահ Ալեքսանդր Լուկաշենկոն կարծում է, որ Ռուսաստանը վաղուց պատրաստ է ոչ թե պարզապես զինադադար կնքել, այլ խաղաղություն Ուկրաինայում։
«Ռուսաստանը վաղուց պատրաստ է ոչ միայն զինադադարի, այլև խաղաղության», - ասել է Լուկաշենկոն, որի խոսքերը մեջբերում է Բելտա գործակալությունը ամերիկյան NBC հեռուստաալիքին տված հարցազրույցից։
Լուկաշենկոյի խոսքով՝ «խնդիրը Ռուսաստանը չէ»։
«Դրա համար պետք է, որքան գիտեմ, մյուս կողմից նայենք․ հենց որ ամերիկացիներն ու ուկրաինացիները որոշեն, որ խաղաղություն է պետք, խաղաղությունը կգա»,- վստահ է Բելառուսի ղեկավարը։
