Եվրահանձնաժողովը լրացուցիչ 3 միլիարդ եվրո կհատկացնի ԵՄ երկրներին միգրացիոն նոր քաղաքականություն իրականացնելու համար, հայտարարել է Եվրահանձնաժողովի նախագահ Ուրսուլա ֆոն դեր Լայենը։
«Կարևոր է իրականացնել մեր միգրացիոն պայմանագիրը, այն իրականություն դարձնել: Եվ դա տեղի է ունենում ներդրումների և մեծ քրտնաջան աշխատանքի շնորհիվ: Ուրախ եմ այսօր հայտարարել, որ մենք լրացուցիչ 3 միլիարդ եվրո ենք հատկացնելու այս թեմային: Սա միջնաժամկետ վերանայման արդյունքն է:
«Մենք կունենանք ավելի ամուր արտաքին սահմաններ»,- ասել է նա Գերմանիայի կանցլեր Ֆրիդրիխ Մերցի հետ Բրյուսելում կայացած համատեղ մամուլի ասուլիսում։
Այս տարվա սկզբին Եվրահանձնաժողովը առաջարկներ էր ներկայացրել խստացնել անօրինական միգրանտների դեմ պայքարը, այդ թվում՝ ԵՄ-ից դուրս անօրինական միգրանտների համար կալանավայրեր ստեղծելու միջոցով, թեև դա նախատեսված չէ եվրոպական կանոններով։
