Սաուդյան Արաբիայի թագավոր Սալման բեն Աբդել Ազիզ Ալ Սաուդը արաբական միապետությունների ղեկավարներին հրավիրել է Էր Ռիադ՝ մասնակցելու ԱՄՆ-ի և Պարսից ծոցի համագործակցության խորհրդի (ՊՀՀ) գագաթնաժողովին: Այս մասին հայտարարել է Բահրեյնի թագավորի խորհրդական Նաբիլ ալ Համերը։
«Թագավոր Սալման բեն Աբդուլ Ազիզը Պարսից ծոցի երկրների ղեկավարներին հրավիրել է մասնակցելու Համագործակցության խորհրդի և ԱՄՆ-ի մայրաքաղաք Էր Ռիադում կայանալիք գագաթնաժողովին»,- գրել է խորհրդականը X սոցիալական ցանցի իր էջում։
ԱՄՆ նախագահ Դոնալդ Թրամփը մայիսի 13-16-ը կայցելի Սաուդյան Արաբիա, Կատար և Արաբական Միացյալ Էմիրություններ։ Այցը Ծոցի երկրներ կլինի երկրորդ արտասահմանյան այցը ամերիկյան վարչակազմի ղեկավարի համար, ով ապրիլի 29-ին Վատիկանում մասնակցել է Հռոմի պապ Ֆրանցիսկոսի հուղարկավորությանը։
Թրամփն իր առաջին ժամկետի ընթացքում սերտ կապեր է հաստատել Պարսից ծոցի երկրների, այդ թվում՝ Սաուդյան Արաբիայի հետ: Ակնկալվում է, որ առաջիկա ուղևորության հիմնական նպատակներից մեկը կլինի ներդրումների ներգրավումը ամերիկյան
տնտեսություն։
