Ռուսաստանի նախագահ Վլադիմիր Պուտինը Չինաստանի նախագահ Սի Ծինփինին առաջարկել է համագործակցել միջազգային ասպարեզում առկա մարտահրավերներին դիմակայելու համար։ Այս մասին հայտնել է Չինաստանի արտաքին գործերի նախարարությունը։
«Պուտինն ասել է, որ Ռուսաստանն ու Չինաստանը միշտ եղել են նույն նավակում և աջակցել են միմյանց, և երկու երկրների բարեկամությունն անքակտելի է»,- ասվում է Կրեմլում երկու երկրների ղեկավարների հանդիպումից հետո հրապարակված Չինաստանի ԱԳՆ կայքում։
Ինչպես նշվում է, ՌԴ նախագահը պատրաստակամություն է հայտնել սերտ կապեր պահպանել Սի Ծինփինի հետ, ռազմավարական ուղղորդում տրամադրել երկկողմ հարաբերությունների զարգացման և միջազգային բարդ իրավիճակի համատեքստում մարտահրավերներին համատեղ դիմակայելու համար։Նա նաև կողմ է արտահայտվել Ռուսաստանի և Չինաստանի միջև համապարփակ ռազմավարական համագործակցության խորացմանը՝ ապահովելով Մոսկվայի և Պեկինի ընդհանուր շահերը՝ հաստատելով «աշխարհի զարգացումը արդարության, ժողովրդավարության և բազմաբևեռության ուղղությամբ» խթանելու անհրաժեշտությունը։
