Հնդկաստանի զինված ուժերը Sindoor գործողության շրջանակներում 24 հրթիռ են արձակել Պակիստանի 9 թիրախների ուղղությամբ, ինչի հետևանքով սպանվել է 70 ահաբեկիչ։ Այս մասին հայտնում է NDTV հեռուստաալիքը՝ վկայակոչելով աղբյուրներ։
Հեռուստաալիքի տվյալներով՝ ավելի քան 70 ահաբեկիչ է սպանվել, ավելի քան 60-ը՝ վիրավորվել։ Հարվածներն իրականացվել են ցամաքային և օդային հրթիռների կիրառմամբ։
«Անօդաչու թռչող սարքերի իրական ժամանակի մոնիտորինգը հաստատեց թիրախի ոչնչացումը քաղաքացիական բնակչության նվազագույն զոհերով»,- ասել են կառավարական աղբյուրները։
Ինչպես նշում է հեռուստաալիքը, հարվածները, որոնք տևել են մայիսի 7-ի ժամը 01:05-ից մինչև 01:30-ը, համատեղ իրականացվել են Հնդկաստանի ցամաքային զորքերի, նավատորմի և օդային ուժերի կողմից:
