Հնդկաստանի գործերի ժամանակավոր հավատարմատարը կանչվել է Պակիստանի ԱԳՆ՝ երկրի իշխանությունների բողոքը ստանալու համար մայիսի 7-ի գիշերը հնդկական բանակի կողմից «չպատճառված հարվածների» կապակցությամբ։ Այս մասին ասվում է Պակիստանի ԱԳՆ մամուլի ծառայության հաղորդագրության մեջ։
«Այսօր Հնդկաստանի գործերի ժամանակավոր հավատարմատարը կանչվել է Արտաքին գործերի նախարարություն՝ ստանալու Պակիստանի խիստ բողոքը Պակիստանի և Ազադ Ջամուի և Քաշմիրի մի քանի վայրերի վրա հնդկական չհիմնավորված հարվածների կապակցությամբ:
Այս հարվածների հետևանքով զոհվել և վիրավորվել են մի քանի խաղաղ բնակիչներ, այդ թվում՝ կանայք և երեխաներ, ասվում է մամուլի հաղորդագրությունում»։
«Պակիստանը կտրականապես մերժել է Հնդկաստանի անհիմն հիմնավորումները իր թշնամական վարքագծի համար: Հնդկական կողմին զգուշացվել է, որ նման անխոհեմ պահվածքը լուրջ վտանգ է ներկայացնում տարածաշրջանային խաղաղության և կայունության համար», - ասվում է հայտարարության մեջ:
