Եվրոպական հանձնաժողովը առաջարկում է արգելել ռուսական գազի գնումը մինչև 2027 թվականը։ Այս մասին հաղորդում է Reuters-ը։
Գերատեսչության «ճանապարհային քարտեզը» ենթադրում է, որ ռուսական գազի ներմուծման նոր գործարքների և սփոթ պայմանագրերի արգելքը կներդրվի մինչև 2025 թվականի վերջը։
Մինչև 2027 թվականի վերջը առաջարկվում է նաև արգելել Ռուսաստանի Դաշնությունից գործող պայմանագրերով ավանդական և հեղուկացված բնական գազի ներմուծումը։
Այս պահին, ըստ Reuters-ի, Եվրոպական հանձնաժողովի այս ծրագրերը մնում են գաղտնի և կարող են փոփոխվել։
Ավելի վաղ, Եվրահանձնաժողովի ներկայացուցիչ Ստեֆան դե Քիրսմայքերը Բրյուսելում կայացած ճեպազրույցի ժամանակ հայտնել էր, որ Եվրահանձնաժողովը մշակել է Ռուսաստանի Դաշնությունից գազի ներմուծումը դադարեցնելու ծրագիր։
Ապրիլի 24-ին Ռուսաստանի նախագահի մամուլի քարտուղար Դմիտրի Պեսկովը հայտնել է, որ Ռուսաստանի իշխանությունները ներկայումս էական բանակցություններ չեն վարում Եվրամիության անդամ երկրներին գազի հնարավոր մատակարարումների վերաբերյալ։ Կրեմլի խոսնակը շեշտեց, որ հումքի մատակարարումը «առևտրային պատմություն է», և որ այն իրականացնելու համար պետք է լինեն վաճառող և պոտենցիալ գնորդներ։
Թարգմանությունը՝ Euromedia24.com-ի
