Իսրայելի ռազմաօդային ուժերի ուղղաթիռները հարվածներ են հասցրել Լիբանանի հարավում գտնվող Տյուր քաղաքի մոտակայքում փախստականների մի քանի հավաքովի տների վրա: Հարձակման հետևանքով ավերվել են առնվազն չորս ժամանակավոր կացարաններ Թեյր Հարֆ շրջանում, հաղորդում է Lebanon 24 լրատվական պորտալը:
Պորտալի տվյալներով՝ խաղաղ բնակիչների շրջանում կան զոհեր, նրանց թիվը ճշտվում է։Ավելի վաղ հինգ մարդ վիրավորվել էր սահմանամերձ Հուլա քաղաքի հավաքովի տների վրա իսրայելական անօդաչու թռչող սարքի հարձակման հետեւանքով։
Լիբանանյան անվտանգության աղբյուրը պորտալին հայտնել է, որ իսրայելական օդանավը երկուշաբթի օրը առնվազն վեց հարված է հասցրել շիական «Հեզբոլլահ» կազմակերպության ենթադրյալ օբյեկտներին և զենքի պահեստներին Սիրիայի հետ սահմանին գտնվող Ջանտա, Էլ-Քալամուն և Աշ-Շարաա լեռնային շրջաններում:Օդային ռմբակոծություններ են իրականացվել նաեւ Այտարուն եւ Սրեյֆա բնակավայրերի վրա, որտեղ շիա մարտիկները նախկինում բազաներ են ունեցել։
Հրետանային կրակ է բացվել Այթ էլ-Շաաբ քաղաքի արվարձաններում, զոհերի մասին տեղեկություններ չեն հաղորդվում։
