Ամերիկացի ձեռնարկատեր Իլոն Մասկն անձամբ գրեթե 75 միլիոն դոլար է նվիրաբերել քաղաքական հանձնաժողովին՝ ի պաշտպանություն ԱՄՆ նախագահի թեկնածու Դոնալդ Թրամփի, ասվում է ԱՄՆ Դաշնային ընտրական հանձնաժողովի (FEC) կայքում հրապարակված զեկույցում։
Նախկինում Մասկը բազմիցս աջակցություն է հայտնել Թրամփին X սոցիալական ցանցի իր էջում։
Համաձայն FEC-ի զեկույցի՝ Մասկն արդեն 74,95 մլն դոլար է նվիրաբերել Թրամփի նախընտրական արշավին հուլիսից սեպտեմբեր ընկած ժամանակահատվածում: Հրատարակության համաձայն՝ հոկտեմբերի 24-ին նախատեսված է մեկ այլ զեկույց, որը կներառի հոկտեմբերի 1-ից հոկտեմբերի 16-ն ընկած ժամանակահատվածը:
Ինչպես նշվում է հաղորդագրության մեջ, Մասկը տարիների ընթացքում գնալով ավելի է ակտիվացել քաղաքականապես և պարբերաբար մեկնաբանել ամերիկյան քաղաքականությունը X սոցիալական ցանցում:
Սակայն, նախկինում, նա հրապարակայնորեն քննադատել էր թե՛ դեմոկրատներին, թե՛ հանրապետականներին՝ պնդելով, որ չի սատարում կուսակցություններից ոչ մեկին։
