Իրանը վճռական և «իր ողջ ուժով» կպատասխանի Իսրայելի ցանկացած ագրեսիայի։ Այս մասին հայտարարել է Իրանի ԱԳՆ պաշտոնական ներկայացուցիչ Էսմայիլ Բաղային՝ մեկնաբանելով Իսրայելի վարչապետ Բենիամին Նեթանյահուի սպառնալիքները Թեհրանի հասցեին՝ Եմենի Անսար Ալլահ շարժման կողմից Բեն Գուրիոն օդանավակայանի գնդակոծմանը իբր մասնակցելու համար։
«Ցանկացած ագրեսիայի մենք միանշանակ կպատասխանենք մեր ողջ ուժով ամենավճռական կերպով, չկասկածեք դրանում»,- ասուլիսի ժամանակ ընդգծեց նա։ Բաղայիի խոսքով, Թեհրանի համար նշանակություն չի ունենա, թե որտեղից են հարձակվում. արձագանքը կգա ցանկացած կողմից:
Կիրակի օրը Նեթանյահուն ասել է, որ Իրանը կանգնած է Եմենի հութի ապստամբների՝ Անսար Ալլահ շարժման գործողությունների հետևում և վստահեցրել է, որ Իսրայելը «հստակ ուղերձ կուղարկի» Թեհրանին։
