Հինգշաբթի առավոտյան Իրանի հյուսիսարևելյան Խորասան Ռազավի նահանգում տեղի ունեցած 5 բալ ուժգնությամբ երկրաշարժի հետևանքով տուժածների թիվը հասել է 29-ի, հայտնում է Mehr գործակալությունը։
Հինգշաբթի ավելի վաղ իրանական լրատվամիջոցները հայտնել էին, որ տասը կիլոմետր խորության վրա Խորասան-Ռազավիի հինգ քաղաքներում տեղի ժամանակով 05:10-ին տեղի ունեցած երկրաշարժի հետևանքով տուժել է 19 մարդ:
«Չնայած երկրաշարժը նյութական վնաս չի պատճառել, սակայն տուժել է 29 մարդ»,- ասվում է գործակալության հաղորդագրությունում։
Mehr-ի փոխանցմամբ՝ բոլոր տուժածները վնասվածքներ են ստացել երկրաշարժից փրկվելու փորձի ժամանակ։ Գործակալության պնդմամբ՝ այս պահին հիվանդանոցում մնացել է միայն մեկ հոգի, մնացած տուժածներն արդեն դուրս են գրվել։
Գործակալությունը նշում է, որ երկրաշարժը տեղի է ունեցել նաև նահանգի մայրաքաղաք Մաշհադ քաղաքում, սակայն չի նշում, թե արդյոք այս քաղաքում զոհեր կան։
