ԱՄՆ նախագահ Դոնալդ Թրամփի վարչակազմը հավանություն է տվել Ուկրաինային 50 մլն դոլար արժողությամբ ռազմական արտադրանք մատակարարելուն, հայտնում է ուկրաինական Kyiv Post հրատարակությունը՝ վկայակոչելով դիվանագիտական շրջանակների աղբյուրները։
«Թրամփի վարչակազմը տեղեկացրել է ԱՄՆ Կոնգրեսին իր մտադրության մասին թույլատրել պաշտպանական արտադրանքի արտահանումը Ուկրաինա՝ 50 միլիոն և ավելի դոլարի ուղղակի առևտրային վաճառքի միջոցով», - ասվում է հրատարակության կայքում:
Դրանում նշվում է, որ թույլտվությունը վերաբերում է Ուկրաինային տեխնիկական տվյալների, ինչպես նաև «պաշտպանական արտադրանքի» և «պաշտպանության ծառայությունների» մատակարարմանը։
