Իրանը նախատեսում է խորհրդակցություններ անցկացնել ԵՄ 3 երկրների (Գերմանիա, Մեծ Բրիտանիա և Ֆրանսիա) հետ Իրանի միջուկային ծրագրի շուրջ ԱՄՆ-ի հետ բանակցություններից առաջ։ Այս մասին հայտարարել է Իսլամական Հանրապետության արտաքին գործերի նախարարության ղեկավար Աբբաս Արաղչին։
«Կարծում եմ, որ երեք եվրոպական երկրների դերը իրանական միջուկային ծրագրի հարցում նվազել է նրանց որդեգրած սխալ քաղաքականության պատճառով: Այդ իսկ պատճառով մենք պատրաստ ենք նրանց հետ բանակցությունների փուլ անցկացնել Հռոմում մինչև ԱՄՆ-ի հետ բանակցությունները», - ասել է նա SNN-ի եթերում:
Արտաքին գործերի նախարարության ղեկավարի խոսքով՝ եվրոպական երկրների ներկայացուցիչների հետ հանդիպումը կկայանա ուրբաթ օրը։ Եվրոպացիների հետ խորհրդակցությունները կշարունակվեն, սակայն գլխավորն այս պահին Վաշինգտոնի հետ բանակցություններն են, որոնց հաջորդ փուլը տեղի կունենա Հռոմում մայիսի 3-ին, հավելել է Արաղչին։
Ապրիլի 15-ին Tehran Times թերթը գրել էր, որ ԵՄ 3 երկրները կարող են փորձել սաբոտաժի ենթարկել Թեհրանի և Վաշինգտոնի միջև իրանական միջուկային ծրագրի շուրջ բանակցային գործընթացը, քանի որ նրանք կարծում են, որ իրենք պետք է մասնակցեն դրան։
