Amnesty International-ը հայտարարել է, որ Իսրայելը Գազայում կատարում է գործողություններ, որոնք նպատակ ունեն ֆիզիկապես ոչնչացնել պաղեստինցիներին՝ խախտելով ՄԱԿ-ի Ցեղասպանության կոնվենցիան։ Ըստ կազմակերպության՝ իսրայելական ուժերը դիտավորյալ վնասում են քաղաքացիական բնակչությանը, կործանում բնակարաններ, հիվանդանոցներ և դպրոցներ, և արգելափակում մարդասիրական օգնության մուտքը։
Amnesty-ի գլխավոր քարտուղար Ագնես Կալամարը նշել է, որ «Աշխարհը հանդիսատեսի դեր է ստանձնել՝ դիտելով ուղիղ հեռարձակվող ցեղասպանությունը», հայտնում է Al-Jazeera-ն: Կազմակերպությունը նաև քննադատել է ԱՄՆ նախագահ Դոնալդ Թրամփի վարչակազմը՝ մարդու իրավունքների պաշտպանության դեմ լայնածավալ հարձակումներ իրականացնելու համար։
Իսրայելը մերժում է ցեղասպանության մեղադրանքները՝ պնդելով, որ գործում է ՀԱՄԱՍ-ի դեմ ինքնապաշտպանության շրջանակում։ Պաղեստինյան աղբյուրների համաձայն՝ 2023 թվականի հոկտեմբերի 7-ից ի վեր Գազայում զոհվել է ավելի քան 51,300 մարդ, այդ թվում՝ առնվազն 17,400 երեխա։
