Օմանում Իրանի և ԱՄՆ-ի միջև բանակցությունների երրորդ փուլը կարող է տևել մեկ օրից ավելի, քանի որ խորհրդակցությունները անցել են փորձագիտական մակարդակ։ Այս մասին հայտնում է IRNA գործակալությունը։
Չնայած, ի սկզբանե նախատեսված էր, որ բանակցությունները տեւեին մեկ օր, խորհրդակցությունները, անհրաժեշտության դեպքում, կարող են մի փոքր երկար տեւել, քանի որ դրանք «տեղափոխվում են տեխնիկական ու փորձագիտական մակարդակ, ուսումնասիրվում են նաեւ մանրամասները»։
Օմանի մայրաքաղաքում ընթանում է Վաշինգտոնի և Թեհրանի միջև անուղղակի բանակցությունների երրորդ փուլը, որի իշխանությունները միջնորդ են հանդիսանում Իսլամական Հանրապետության միջուկային ծրագրի շուրջ ստեղծված ճգնաժամի կարգավորման գործընթացում։
Շաբաթ օրը նախատեսված են բարձր մակարդակի քաղաքական բանակցություններ, որոնք կսկսվեն փորձագետների հետ տեխնիկական խորհրդակցություններին զուգահեռ։
