ԱՄՆ նախագահ Դոնալդ Թրամփը Time ամսագրին տված հարցազրույցում ասել է, որ իրեն չի անհանգստացնում Իսրայելի վարչապետ Բենիամին Նեթանյահուի կողմից Վաշինգտոնին Իրանի հետ պատերազմի մեջ ներքաշելը։
«Ոչ»,- պատասխանել է Թրամփը՝ պատասխանելով այն հարցին, թե մտավախություն չունի՞, որ Նեթանյահուն կարող է ԱՄՆ-ին ներքաշել զինված հակամարտության մեջ։
Ավելի վաղ Reuters-ը ապրիլի 19-ին հայտնել էր, որ անցած ամիսների ընթացքում Իսրայելը Թրամփի վարչակազմին ներկայացրել է տարբեր ինտենսիվության իրանական միջուկային օբյեկտների դեմ գործողությունների մի շարք առաջարկներ, ներառյալ օդային հարվածների և հատուկ նշանակության ուժերի օգտագործումը:
Մասամբ այս ծրագրերը կրկնում են այն ծրագրերը, որոնք Իսրայելն առաջարկել է ԱՄՆ նախկին նախագահ Ջո Բայդենին։
