Թաիլանդի ազգային ոստիկանության Twin Otter-ի վթարի հետևանքով զոհվածների թիվը հասել է 6-ի, Բանգկոկում լրագրողների հետ ճեպազրույցի ժամանակ հայտնել է ոստիկանության խոսնակ, գեներալ-լեյտենանտ Աչայոն Կրեյթոնգը։ Ճեպազրույցը հեռարձակել է թաիլանդական PBS հեռուստաալիքը։
«Ոստիկանության ավիացիոն էսկադրիլային ինքնաթիռի վթարի հետևանքով վեց մարդ է զոհվել՝ բոլորը ոստիկաններ և սերժանտներ: Սկզբում, ըստ փրկարարների, որոնք առաջինն են ժամանել վթարի վայր, հինգ մարդ մահացել է, մեկ հոգի վիրավորվել է: Սակայն վիրավորը հիվանդանոց տեղափոխվելու ճանապարհին մահացել է»,- ասել է գեներալը՝ հավելելով, որ ինքնաթիռում եղել է վեց մարդ։
«Ինքնաթիռը տեխնիկական թռիչք էր իրականացնում՝ նախապատրաստվելով ապրիլի 27-ին Փեթչաբուրի նահանգի Նարեսուան ոստիկանության օպերատիվ-մարտավարական բազայում նախատեսված միջոցառմանը, որը ներառում էր պարաշյուտով ցատկեր», - ասել է Կրեյթոնգը։
Նա ասել է, որ ինքնաթիռում եղել են երեք ոստիկան օդաչուներ՝ գնդապետ, փոխգնդապետ և կապիտան, և երեք սերժանտներ, որոնցից մեկը բորտ-ինժեներ էր, իսկ մյուս երկուսը՝ տեխնիկներ, որոնք սպասարկում էին օդանավը:
