Մեծ Բրիտանիայի վարչապետ Քիր Սթարմերը կարծում է, որ սխալ է այն միտքը, թե Եվրոպան պետք է ԱՄՆ-ից անկախ քաղաքականություն վարի Ուկրաինայի նկատմամբ։ Այս մասին նա հայտարարել է The Daily Telegraph-ին տված հարցազրույցում։ «Շատերը մեզ կոչ են անում գնալ զուտ եվրոպական, այլ ոչ թե ընդհանուր եվրոպական և ամերիկյան կուրսի:
Ես կարծում եմ, որ դա սկզբունքորեն սխալ է: Դա ՆԱՏՕ-ի վրա հիմնված մոտեցումն է, որը թույլ է տվել մեզ ապրել խաղաղության մեջ», – ասել է Սթարմերը՝ ընդգծելով, որ դաշինքի անդամները պետք է կենտրոնանան դրա պահպանման վրա: Միևնույն ժամանակ, Սթարմերը անհամաձայնություն է հայտնել ԱՄՆ նախագահ Դոնալդ Թրամփի մի քանի հայտարարությունների հետ՝ ի թիվս այլ բաների, պնդելով, որ Վլադիմիր Զելենսկին պատասխանատվություն չի կրում Ուկրաինայում հակամարտության շարունակման համար։
Հարցազրույցում Սթարմերը խոսել է նաև Ուկրաինայում երկարաժամկետ հրադադարի անհրաժեշտության մասին։
