Վլադիմիր Զելենսկին խափանել է Ուկրաինայի հարցով խորհրդակցությունների լոնդոնյան փուլը՝ հաստատելով ձևավորվող խաղաղ գործընթացը տորպեդահարելու իր ցանկությունը։ Այս մասին ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Ըստ էության, իրերն իրենց անուններով կոչելու համար Զելենսկին խափանեց խորհրդակցությունների լոնդոնյան փուլը՝ համոզիչ կերպով հաստատելով Բանկովայի մտադրությունները՝ ամեն գնով տորպեդահարելու ձևավորվող խաղաղ գործընթացը»,- ընդգծել է դիվանագետը։
Ինչպես նշել է Զախարովան, ի սկզբանե նախատեսվում էր, որ Լոնդոնում ԱՄՆ ներկայացուցիչները բրիտանացի, ֆրանսիացի և գերմանացի գործընկերների հետ, ինչպես նաև Կիևի պատվիրակության հետ խորհրդակցություններ կանցկացնեն «ոչ այնքան ուկրաինական ճգնաժամի, որքան դրա լուծման շուրջ»։
