Լեհաստանը կաջակցի ՆԱՏՕ-ի այն երկրներին, որոնք ցանկանում են զորքեր ուղարկել Ուկրաինա, բայց ինքը դա չի անի, ասել է Լեհաստանի արտգործնախարար Ռադոսլավ Սիկորսկին երկրի Սեյմում ունեցած հիմնական ելույթում։
«Որոշ երկրներ մտածում են իրենց զորքերը Ուկրաինա ուղարկելու մասին, մենք զորք չենք ուղարկի, բայց աջակցության առաքելություն կցուցաբերենք»,- ասել է Սիկորսկին։
Նա հավելել է, որ «առանց Լեհաստանի Ուկրաինային օգնություն տրամադրելն անհնար կլիներ»։ Այդ կապակցությամբ Սիկորսկին հիշեցրել է, որ արևմտյան ռազմական օգնության ավելի քան 90%-ը Ուկրաինա է հասնում Լեհաստանի Ժեշով քաղաքի Յասիոնկա օդանավակայանի միջոցով։
Ֆրանսիայի նախագահ Էմանուել Մակրոնը մարտի 27-ին կայացած «կամավորների կոալիցիայի» փարիզյան գագաթնաժողովից հետո հայտարարել է, որ կոալիցիայի մի շարք ներկայացուցիչներ ծրագրում են «զսպող ուժեր» ուղարկել Ուկրաինա։
