ԱՄՆ փոխնախագահ Ջ.Դ.Վենսը հայտարարել է, որ եթե Ռուսաստանն ու Ուկրաինան չհամաձայնեն հակամարտությանը վերջ տալու Վաշինգտոնի նախաձեռնություններին, որն արդեն հստակ առաջարկ է ներկայացրել, ապա ԱՄՆ-ը դուրս կգա բանակցային գործընթացից, գրում է Bloomberg-ը։
«Փոխնախագահ Ջեյ Դի Վենսն ասել է, որ ԱՄՆ-ը «շատ հստակ առաջարկ» է արել Ռուսաստանին և Ուկրաինային խաղաղ համաձայնագրի ճանապարհին՝ հավելելով, որ «ժամանակն է, որ նրանք համաձայնվեն կամ ԱՄՆ-ը դուրս գա գործընթացից»,-գրում է գործակալությունը։
Փոխնախագահը հավելել է, որ բանակցությունների ընթացքում «պետք է որոշակի տարածքային փոխանակումներ իրականացվեն»։ Նա ասել է, որ լավատես է, որ բոլոր կողմերը մինչ այժմ «բարի կամքով բանակցել են»:
