Apple-ը պատրաստվում է ներկայացնել իր հաջորդ սերնդի սմարթֆոնը՝ iPhone 17 Pro-ն, և այս անգամ ընկերությունը շեշտը դրել է ոչ միայն տեխնոլոգիական նորարարությունների, այլև գույնի վրա։
Ըստ վերջին լուրերի, նոր մոդելը կգա «Sky Blue»՝ երկնագույն գունային տարբերակով, որը ներդաշնակ կլինի վերջին MacBook Air M4 մոդելի երանգների հետ։ Գունային այս տարբերակը խոստանում է լինել սերիայի գլխավոր առանձնահատկություններից մեկը՝ գայթակղելով ինչպես նոր, այնպես էլ արդեն հավատարիմ օգտատերերին։ Բացի «Sky Blue»-ից, փորձարկվում են նաև Teal Titanium, Green Titanium և Dark Green Titanium երանգները, սակայն ինսայդերների կարծիքով հենց երկնագույնն է լինելու գլխավոր գույնը։
Պաշտոնական շնորհանդեսը սպասվում է 2025 թվականի սեպտեմբերին, իսկ մինչ այդ Apple-ի երկրպագուները կարող են միայն երազել, թե ինչպես կդիտվի այս նորարարական գունային լուծումը իրենց ձեռքերում։
