ԱՄՆ փոխնախագահ Ջ.Դ.Վենսը ժամանել է Հնդկաստան՝ հանդիպելու վարչապետ Նարենդրա Մոդիի հետ և քննարկելու երկկողմ առևտուրը, մաքսատուրքերը, պաշտպանական համագործակցությունը և աշխարհաքաղաքական հարցեր։ Վենսի՝ Պալամի ավիաբազա ժամանելու կադրերը հեռարձակել է հնդկական NDTV հեռուստաալիքը։
«Այս այցը երկու կողմերին հնարավորություն կտա վերանայելու երկկողմ հարաբերություններում առաջընթացը և 2025 թվականի փետրվարի 13-ին ԱՄՆ վարչապետի այցի ընթացքում հրապարակված Հնդկաստան-ԱՄՆ համատեղ հայտարարության կատարումը։
Ակնկալվում է, որ բանակցությունների հիմնական թեմաներից է լինելու երկկողմ առևտրային գործարքը, որը Վաշինգտոնն ու Նյու Դելին շաբաթներ շարունակ քննարկում էին Հնդկաստանի վրա ԱՄՆ-ի 26% մաքսատուրքերի ազդեցությունը մեղմելու համար:
Միացյալ Նահանգները Հնդկաստանի խոշորագույն առևտրային գործընկերն է։ Երկկողմ առևտուրը 2024 թվականին հասել է 129 միլիարդ դոլարի՝ 45,7 միլիարդ դոլարի ավելցուկ՝ հօգուտ Հնդկաստանի:
