Չինացի զինվորականները վիճելի Հուանգյան կղզու (Սկարբորո խութ) մոտակայքում ջրերից դուրս են մղել ֆիլիպինյան պարեկային նավը, ասել է Ժողովրդաազատագրական բանակի (PLA) Հարավային գոտու մարտական հրամանատարության խոսնակ Չժաո Չժիվեյը։
«Ապրիլի 20-ին ֆիլիպինյան No 36 պարեկային նավը առանց Չինաստանի կառավարության թույլտվության ապօրինի մտել է Չինաստանի տարածքային ջրեր Հուանգյան կղզու մոտ։
«PLA Հարավային գոտու ռազմածովային ուժերի մարտական հրամանատարությունը զորքեր է տեղակայել՝ հետևելու, վերահսկելու, նախազգուշացնելու և արտաքսելու համար»,-ասել է Չժաո Ժիվեյը հրամանատարության WeChat աքաունթում հրապարակված հայտարարության մեջ:
Հայտարարության մեջ նշվում է նաև, որ Չինաստանը զգուշացնում է ֆիլիպինյան կողմին, որ պետք է անհապաղ դադարեցնի սադրանքները, որոնք ոտնահարում են նրա իրավունքները, «հակառակ դեպքում, ֆիլիպինյան կողմը կկրի հետևանքների ողջ պատասխանատվությունը»։
Տասնամյակներ շարունակ Չինաստանը վիճում է Ասիա-խաղաղօվկիանոսյան տարածաշրջանի մի քանի երկրների հետ Հարավչինական ծովի մի շարք կղզիների տարածքային սեփականության շուրջ, որտեղ հայտնաբերվել են ածխաջրածինների զգալի պաշարներ։
Տարածաշրջանում իրավիճակը հաճախ բարդանում է ամերիկյան նավերի անցմամբ, որոնք, ըստ Չինաստանի ԱԳՆ-ի, խախտում են միջազգային իրավունքը և խաթարում ինքնիշխանությունն ու անվտանգությունը։
