Աղոթում եմ Հայաստանի և Ադրբեջանի միջև վերջնական խաղաղության համաձայնագրի համար․ Հռոմի պապ

20.04 15:55 | Կատեգորիա Քաղաքական

Հռոմի պապ Ֆրանցիսկոսը Սուրբ Զատիկի առթիվ ուղերձ է հղել, որում հանդես է եկել զինաթափման և խաղաղության օգտին՝ հաշտեցման կոչ անելով Սուրբ Երկրում, Ուկրաինայում և Հարավային Կովկասում: Նա նաև աջակցություն է հայտնել Պաղեստինի և Իսրայելի քրիստոնյաներին։

«Խաղաղությանբ անհնար է հասնել առանց լիակատար զինաթափման, և ինքնապաշտպանության ցանկությունը չպետք է վերածվի սպառազինությունների մրցավազքի»,– այս մասին Հռոմի պապ Ֆրանցիսկոսը հայտարարել է իր ուղերձում։

88-ամյա պապն անձամբ ներկա է եղել Սուրբ Պետրոսի տաճարի ճակատային մասի պատշգամբում իր ուղերձի ընթերցմանը՝ մաղթելով բոլոր հավատացյալներին ուրախ Սուրբ Զատիկ, հաղորդում է ՏԱՍՍ-ի թղթակիցը։

«Առանց զինաթափման խաղաղություն հնարավոր չէ։ Ցանկացած ազգի սեփական պաշտպանությունն ապահովելու անհրաժեշտությունը չի կարող վերածվել սպառազինությունների մրցավազքի»,– ասել է նա։

Այնուհետև պապը անդրադարձել է հակամարտությունների բացասական հետևանքներին, որոնք ազդում են քաղաքացիական բնակչության վրա և հանգեցնում են ենթակառուցվածքների, այդ թվում՝ դպրոցների և հիվանդանոցների ոչնչացմանը։

Նա ընդգծել է. «Մենք չպետք է մոռանանք, որ տուժում է ոչ թե թշնամին, այլ հոգի ու մարդկային արժանապատվություն ունեցող մարդիկ»։

Ֆրանցիսկոս պապը նաև անդրադարձել է Հարավայի Կովկասին՝ նշելով, որ այստեղ երկարատև լարվածությունը պահանջում է հրատապ հաշտեցում։

«Աղոթում եմ Հայաստանի և Ադրբեջանի միջև վերջնական խաղաղության համաձայնագրի և տարածաշրջանի ապաքինման համար»,– ասել է Հռոմի պապը։

Հիշեցնենք, որ նրա փոխարեն Սուրբ Պետրոսի հրապարակում հազարավոր մարդկանց առջև պատարագ է մատուցել կարդինալ Անջելո Կոմաստրին՝ Սուրբ Պետրոսի բազիլիկի պաշտոնաթող ավագ քահանան:

Ամենաշատ կարդացվածներ

Նոր Նորքի թաղապետը մինչև Արթուր Չախոյանին ծեծելը,նրան աշխատանք է առաջարկել․ նոր մանրամասներ (տեսանյութ)

09.05 22:00 | Կատեգորիա Քաղաքական

Ու՞մ հետ է ցանկանում մենամարտել Արման Ծառուկյանը

11.05 00:07 | Կատեգորիա Սպորտ

Միայն Աստծուն է հայտնի` ինչ կլինի Ադրբեջանի հետ իշխանությունն ընտանիքի անդամ հաջորդ ժառանգորդին փոխանցելիս. Վարդան Ոսկանյան

11.05 00:36 | Կատեգորիա Մտքեր

ԱՄՆ-ում սկսվու՞մ է անօրինական ներգաղթյալների «ինքնաարտաքսման» ծրագիրը․ ի՞նչ հրամանագիր է ստորագրել Թրամփը

10.05 23:49 | Կատեգորիա ԱՄՆ

Մարդավաճառության գործի մեջ ներքաշված Ջենիֆեր Լոպեսը՝ նոր սկանդալի կենտրոնում

10.05 21:51 | Կատեգորիա Ժամանց

Մոռացողը՝ ուրացող է, ուրացողը՝ պայքարող չէ, այլ հանձնվող ու ստրկացող է, քիչ անց՝ նա արդեն հայ էլ չէ՝ ձուլվող ու վերացող է․ Արմեն Այվազյան

09.05 23:44 | Կատեգորիա Մտքեր

Փաշինյանը գնաց «ցարի ոտը». Նիկոլից ավելի պրոռուսական գործիչ մենք չենք ունեցել. Արա Պապյան (տեսանյութ)

10.05 21:49 | Կատեգորիա Քաղաքական

Անկում տարադրամի շուկայում. ի՞նչ փոփոխություններ են արձանագրվել մայիսի 9-ին

09.05 16:19 | Կատեգորիա Տնտեսական

Որ հասցեները կհոսանքազրկվեն երկուշաբթի

11.05 00:51 | Կատեգորիա Հասարակություն

ՈՒՂԻՂ