ԱՄՆ-ն ցանկանում է Ուկրաինայի և Ռուսաստանի միջև պատերազմի ավարտը։ Այս մասին Սպիտակ տանը լրագրողներին հայտարարել է ԱՄՆ նախագահ Դոնալդ Թրամփը։
«Իդեալական իրավիճակում մենք պատրաստվում ենք դադարեցնել դա: Օրերի կոնկրետ թիվ չկա, բայց մենք ցանկանում ենք դա անել արագ, հիմա, եթե ինչ-ինչ պատճառներով երկու կողմերից մեկը դա շատ դժվարացնի, մենք պարզապես կասենք. «Դուք հիմար եք, դուք հիմար եք, դուք սարսափելի մարդիկ եք», և մենք պարզապես կթողնենք դա»,-ասել է Թրամփը՝ շեշտելով, որ դուրս կգա բանակցություններից, եթե կողմերը բարդացնեն պատերազմի ավարտը։
«Շատ մարդիկ են սպանվում այս ամենի հետևանքով, մենք չենք պատրաստվում համակերպվել դրա հետ։ Վստահ եմ, որ խաղաղ համաձայնագիր կկնքվի, մենք խնդիրը լուծելու լավ հնարավորություններ ունենք», - ասել է Թրամփը՝ հրաժարվելով պատասխանել այն հարցին, թե արդյոք Վաշինգտոնը կշարունակի աջակցել Ուկրաինային, եթե վարչակազմը հեռանա բանակցությունների սեղանից:
