Իրանական կողմը տեսել է ԱՄՆ-ի մտադրությունների լրջությունը Օմանում կայացած բանակցությունների առաջին փուլում՝ կարգավորելու իրանական միջուկային ծրագրի շուրջ ստեղծված իրավիճակը։ Այս մասին Իրանի արտգործնախարար Աբբաս Արաղչին հայտարարել է իր ռուս գործընկեր Սերգեյ Լավրովի հետ մամուլի ասուլիսի ժամանակ։
«Բանակցությունների առաջին փուլում ԱՄՆ-ի հետ Օմանում մենք տեսանք որոշակի լրջություն մյուս կողմի մտադրություններում, տեսանք բացառապես միջուկային հարցեր քննարկելու ցանկություն:
Դա կարող է մեզ թույլ տալ կառուցողական բանակցությունների մեջ մտնել»,- ընդգծել է նա։
