Բրազիլիան պատրաստվում է էլ ավելի ամրապնդել BRICS-ը այն բանից հետո, երբ ԱՄՆ նախագահ Դոնալդ Թրամփի վարչակազմը մաքսատուրքեր սահմանեց մի շարք ապրանքների վրա: Այս մասին հայտարարել է Բրազիլիայի գյուղատնտեսության եւ անասնաբուծության նախարար Կառլոս Ֆավարոն՝ երկրի մայրաքաղաք Բրազիլիայում կայացած թեմատիկ համաժողովի ժամանակ։
«ԱՄՆ-ի իշխանությունների կողմից ձեռնարկված աննախադեպ պրոտեկցիոնիզմը էլ ավելի է մղում մեզ ամրապնդելու աշխարհաքաղաքական բլոկը և որոնելու նոր առևտրային հնարավորություններ», - մեջբերում է նրա խոսքերը Brasil247 պորտալը։
Նախարարի խոսքով՝ համայնքի բոլոր անդամներն անհրաժեշտ են համարում գյուղմթերքի առևտուրն իրենց միջև ընդլայնել։ Ֆավարոն ընդգծել է, որ Սպիտակ տան կողմից ընդունված առևտրային միջոցառումները չեն ազդի գյուղատնտեսության ոլորտում BRICS կապերի ամրապնդման վրա։
«Ինչ-որ մեկը ստիպված կլինի մատակարարել այն միսը, որն ամերիկացիները դադարել են մատակարարել: Բրազիլիան ունի և՛ ցանկություն, և՛ հնարավորություն մատակարարելու»,- եզրափակել է
նա։
