Իրանի ԱԳ նախարար Աբբաս Արաղչին հայտարարել է, որ ՌԴ նախագահ Վլադիմիր Պուտինի հետ քննարկել է Թեհրանի ու Վաշինգտոնի միջև անուղղակի բանակցությունները, ինչպես նաև ռուս-ամերիկյան խորհրդակցությունները։
«Ես ՌԴ նախագահին պատմել եմ ընթացիկ իրավիճակի, Իրանի ու ԱՄՆ միջև անուղղակի բանակցությունների մասին, մենք դրա շուրջ խորհրդակցություններ անցկացրինք։ Քննարկվել են նաև Ուկրաինայի և այլ հարցերի շուրջ ռուս-ամերիկյան բանակցությունները։ Մեր ռուս բարեկամները փոխանցեցին անհրաժեշտ տեղեկատվությունը»,- ասել է Արաղչին։
