Բելառուսի և Ռուսաստանի միութենական պետության շրջանակներում կարող է կառուցվել փոխգործակցության միասնական համակարգ, որն ավելի մոտ է, քան ունիտար պետությունում։ Այս մասին հայտարարել է Բելառուսի նախագահ Ալեքսանդր Լուկաշենկոն՝ Միության ապագա պետքարտուղար Սերգեյ Գլազեւի հետ հանդիպմանը։
«Այնպես եղավ, որ մենք ունենք երկու պետություն: Մենք հարաբերություններ ենք կառուցելու: Ես հաճախ եմ ասում. մենք բավական խելացի մարդիկ ենք, որպեսզի կառուցենք փոխգործակցության միասնական համակարգ, մեր հարաբերությունները կառուցենք նույնիսկ ավելի սերտ, քան ունիտար պետությունում», - ասել է Լուկաշենկոն, մեջբերում է ԲԵԼՏԱ գործակալությունը:
Բելառուսի ղեկավարը նշել է, որ Ռուսաստանի նախագահ Վլադիմիր Պուտինը նույնպես հավատարիմ է նրան, որ երկրները «պահպանեն հնարավորինս սերտ հարաբերությունները»։ «Մեկ հայրենիք՝ երկու պետություն» այս բանաձեւը, կարծում եմ, այսօր իրագործելի գաղափար է»,- ասել է Ալեքսանդր Լուկաշենկոն։
