Ճապոնիան 2025 թվականի մարտին 9,6%-ով կրճատել է մարդատար ավտոմեքենաների արտահանումը դեպի Ռուսաստան՝ 2024 թվականի նույն ամսվա համեմատությամբ։ Այս մասին հայտնում է ՏԱՍՍ-ը՝ Ճապոնիայի ֆինանսների նախարարությանը հղումով։
«Ճապոնիան 2024 ֆինանսական տարում կրճատել է մարդատար ավտոմեքենաների արտահանումը Ռուսաստան 5,8%-ով: Միևնույն ժամանակ, 2025 թվականի մարտին Ճապոնիան կրճատել է ավտոմեքենաների արտահանումը 9,6%-ով»,- ասվում է ՏԱՍՍ-ի զեկույցում։
Նշվում է նաև, որ պահեստամասերի և բաղադրիչների արտահանումը 2024թ․ ֆինանսական տարում աճել է 5,9%-ով։ 2025 թվականի մարտին այս ցուցանիշը նվազել է 0,1%-ով։
Մինչ այս Rolf-ի նոր մեքենաների բաժնի տնօրեն Նիկոլայ Իվանովն ասել էր, որ 2025 թվականին Ռուսաստանում չինական մեքենաների վաճառքը ռեկորդային նվազագույնի կհասնի։
Նրա կարծիքով՝ չինական ավտոմեքենաների վաճառքը տարեկան կտրվածքով «կնվազի» 15-17 տոկոսով, և առնվազն երեք ապրանքանիշեր կլքեն ռուսական շուկան՝ Foton, SWM և Kaiyi։ Ինչպես պարզաբանել է Իվանովը, նշված ապրանքանիշերի հատկապես ցածր պահանջարկի պատճառով դիլերները ստիպված են արհեստականորեն իջեցնել գները՝ դրանք վաճառելու համար, ինչը հանգեցնում է կորուստների։
