Մալայզիայի պատվիրակությունը ապրիլի վերջին կմեկնի Վաշինգտոն՝ ամերիկյան իշխանությունների հետ քննարկելու Միացյալ Նահանգների կողմից ներդրված նոր մաքսատուրքերը։ Այս մասին հայտարարել է ասիական երկրի կապի նախարար Ֆահմի Ֆաջիլը։
«Սա պատվիրակության այցը ԱՄՆ նաև ԱՄՆ-ի ներմուծման մաքսատուրքերի վերաբերյալ ԱՍԵԱՆ-ի երկրների կողմից ձեռք բերված կոնսենսուսի արդյունք է: Մենք արդյունքները կտեսնենք նրանց պատվիրակության անդամների վերադառնալուց հետո», - մեջբերում է նրա խոսքերը Malay Mail թերթը։
Նախարարը մանրամասնել է, որ Մալայզիայի պատվիրակության կազմում կլինեն ֆինանսների նախարար Ամիր Համզահ Ազիզանը և ներդրումների, առևտրի և արդյունաբերության նախարար Թենգկու Զաֆրուլ Ազիզը։
Ապրիլի 9-ին Թրամփը հայտարարեց, որ 90 օրով կասեցնում է մի շարք երկրների և տարածքների ներմուծման լրացուցիչ փոխադարձ մաքսատուրքերը։ Սպիտակ տունը բացատրել է, որ դադարը կապված է առևտրային բանակցությունների հետ, որի ընթացքում կգործի «10% համընդհանուր սակագին»։
