Դերասան Ժան-Կլոդ Վան Դամը դիմել է Ռուսաստանի առաջնորդ Վլադիմիր Պուտինին՝ ասելով, որ ցանկանում է գալ Ռուսաստան և դառնալ խաղաղության դեսպան։ Դերասանի ուղերձի տեսանյութը Telegram-ի ալիքում հրապարակել է լրագրող Դիանա Պանչենկոն։
Դերասանը շեշտել է, որ իր համար պատիվ կլիներ նման կոչում ունենալ։ Նա նաև առաջարկել է Պուտինի հետ քննարկել «խաղաղություն, սպորտ և երջանկություն», բայց ոչ քաղաքական։
Վան Դամը նաև պատմել է 2010 թվականին Սոչիում Ռուսաստանի նախագահի հետ իր հանդիպման մասին: Դերասանի խոսքով ՝ զբոսանքի ժամանակ ինքն իր կոշիկով պատահաբար դիպել է Պուտինի կոշիկին։ Դրանից հետո Պուտինը դա արեց ի պատասխան։ Հետո մի քանի անգամ կրկնեցին:
Իր ուղերձի վերջում նա շնորհակալություն է հայտնել Ռուսաստանի նախագահին և օդային համբույր ուղարկել: «Մեծ Համբույր Պուտինին և նրա ընտանիքին», - հավելել Է դերասանը:
