Իրանի արտգործնախարար Աբբաս Արաղչին հինգշաբթի պաշտոնական այցով կմեկնի Ռուսաստանի մայրաքաղաք և ծրագրում է ռուս պաշտոնյաների հետ քննարկել երկկողմ, տարածաշրջանային և միջազգային մակարդակներում համագործակցությունը, ասել է Ռուսաստանում Իրանի դեսպան Քազեմ Ջալալին։
Դեսպանի հայտարարությունը հնչել է իրանա-ամերիկյան բանակցությունների երկրորդ փուլից առաջ։ Ավելի վաղ Նիդեռլանդների արտգործնախարար Կասպար Վելդկամպը հայտնել էր, որ երկու երկրների միջեւ բանակցությունների երկրորդ փուլը կանցկացվի Հռոմում։
Այս տեղեկությունը հաստատել է նաեւ Իրանի արտգործնախարար Աբբաս Արաղչին։ Երկուշաբթի օրը Իսլամական Հանրապետության արտաքին գործերի նախարարության պաշտոնական ներկայացուցիչ Էսմայիլ Բաղային հայտնել է, որ շաբաթ օրը Օմանում կանցկացվի Իրանի և ԱՄՆ-ի միջև բանակցությունների երկրորդ փուլը։
«Իրանի և Ռուսաստանի միջև բարձր մակարդակի շփումների ընթացքում Արաղչին վաղը կժամանի Մոսկվա՝ խորհրդակցելու ռուս բարձրաստիճան պաշտոնյաների հետ», - ասվում է ռուսերեն հայտարարությունում, որը հրապարակվել է Ջալալիի սոցիալական ցանցի պաշտոնական էջում։
Այցի ընթացքում ծրագրված քննարկման թեմաներից դեսպանը նշել է երկկողմ հարաբերությունների խթանումը, տարածաշրջանային համագործակցությունը և փոխգործակցությունը միջազգային ասպարեզում։
