Ֆրանսիայի արտաքին գործերի նախարար Ժան-Նոել Բարոն կոչ է արել վերադառնալ Ալժիրի հետ երկխոսությանը՝ բարելավելու երկու երկրների հարաբերությունները վերջին լարվածության պայմաններում:
Ավելի վաղ Ալժիրի իշխանությունները որոշել էին երկրից վտարել 12 ֆրանսիացի դիվանագետների՝ որոշելով Ալժիրում Ֆրանսիայի դեսպանատան և հյուպատոսական ներկայացուցչությունների աշխատակիցներին համարել անցանկալի անձ և պարտավորեցնելով նրանց լքել երկիրը 48 ժամվա ընթացքում։ Ի պատասխան՝ Ֆրանսիան հայտարարեց երկրից 12 ալժիրցի դիվանագիտական անձնակազմի արտաքսման մասին։
«Ես չեմ կանխորոշի Ալժիրի հետ մեր քննարկումների ապագան: Ես պարզապես ասում եմ, որ եթե մենք ցանկանում ենք արդյունքների հասնել Ֆրանսիայի քաղաքացիների համար, մի օր մենք պետք է վերադառնանք ազնիվ, հստակ և պահանջկոտ երկխոսության», - ասել է նախարարը France Inter ռադիոյի եթերում:
