Եվրամիությունը չի երկարաձգի Ուկրաինայի առևտրային արտոնությունները հունիսի 5-ին գործող ժամանակավոր առևտրային մեխանիզմի ժամկետը լրանալուց հետո և կփորձի համաձայնության գալ փոխադարձ սակագների ազատականացման շուրջ։
Այս մասին հայտնում է Financial Times (FT) թերթը՝ վկայակոչելով պաշտոնական աղբյուրները:
«Եվրահանձնաժողովը հավատարիմ է Ուկրաինայի հետ խորհրդակցություններին, և մեր նպատակն է դիտարկել սակագների փոխադարձ ազատականացման հարցը»,- հրատարակությունը մեջբերում է Եվրահանձնաժողովի (ԵՀ) առևտրի հարցերով ներկայացուցիչ Օլոֆ Գիլի խոսքերը։
«Մենք վերջնական տեսքի ենք բերում այս առաջարկը և հնարավորինս շուտ այն կներկայացնենք Ուկրաինային»,- ասել է նա։
«Այս գործընթացի նպատակն է ապահովել տնտեսական կայունություն և կանխատեսելիություն ձեռնարկությունների և ֆերմերների համար ինչպես Ուկրաինայում, այնպես էլ ԵՄ-ում», - հավելել է Գիլը:
