Իրանը մտադիր չէ իրեն «կապել» որևէ երկրի, մասնավորապես՝ ԱՄՆ-ի, Թեհրանը առանձնահատուկ վերաբերմունք չի ցուցաբերում Վաշինգտոնի հետ բանակցությունների նկատմամբ և մտադիր է շփվել աշխարհի այլ երկրների հետ, ասել է Իրանի փոխնախագահ Մոհամմադ Ռեզա Արեֆը։
«Մենք ոչ միայն առանձնահատուկ վերաբերմունք չունենք այդ բանակցություններին, այլև մտադիր չենք ինչ-որ կերպ կապվել որևէ երկրի հետ, թեև ենթադրում ենք, որ կշփվենք բոլոր երկրների հետ, որոնք հետաքրքրված են մեզ հետ հարաբերություններով՝ հաշվի առնելով մեր առաջնահերթությունները»,- ասել է Արեֆը:
Նա նշել է, որ Իրանը համագործակցելու է «աշխարհի բոլոր երկրների հետ», մասնավորապես՝ ԱՄՆ-ի հետ, բայց բացառությամբ Իսրայելի։ Նրա խոսքով՝ այլ երկրների հետ փոխգործակցությունը պետք է ոչ միայն «առավելություններ» ապահովի Թեհրանին, այլեւ «բանակցությունների իրական իմաստը»։
Նա ընդգծել է, որ Իսլամական Հանրապետությունը «բաց է բանակցությունների և երկխոսության համար, բայց համապատասխան և հավասար պայմաններով»:
