ԱՄՆ-ը նվազեցրել է Ուկրաինային տրամադրված օգնության փոխհատուցման պահանջները՝ 300-ից հասնելով 100 միլիարդ դոլարի։ Այս մասին հայտնում է Bloomberg-ը՝ հղում անելով աղբյուրներին։
Դրա տվյալներով՝ ԱՄՆ նախագահ Դոնալդ Թրամփի վարչակազմը անցյալ շաբաթ Վաշինգտոնում բանակցություններից հետո կրճատել է Կիևին տրամադրվող օգնության չափը 300 միլիարդ դոլարից մինչև 100 միլիարդ դոլար։ Այսպիսով, այս ցուցանիշը մոտեցել է
Ուկրաինայի հետ համաձայնեցվածին և կազմում է մոտ 90 մլրդ դոլար, նշել է գործակալությունը։
Թրամփի վարչակազմը ճնշում է գործադրում Կիևի վրա՝ պահանջելով համաձայնություն՝ ուկրաինական ապագա ներդրումային նախագծերից շահույթը կիսելու վերաբերյալ, այդ թվում՝ օգտակար հանածոների և ենթակառուցվածքների ոլորտներում։
Վաշինգտոնը դա համարում է տասնյակ միլիարդավոր դոլարների զենքի և այլ օգնության փոխհատուցում, որը տրամադրվել է նախորդ նախագահ Ջո Բայդենի օրոք:
