Հյուսիսային Ամերիկայի հակաօդային պաշտպանության հրամանատարությունը (NORAD) երեքշաբթի հայտնել է, որ հայտնաբերել և հետևել է ռուսական ռազմական ինքնաթիռը, որը թռչում է միջազգային օդային տարածքում Ալյասկայի ափերի մոտ:
«NORAD-ը հայտնաբերել և հետևել է ռուսական ռազմական ինքնաթիռը, որը թռչում էր Ալյասկայի ՀՕՊ նույնականացման գոտում (ADIZ) 2025 թվականի ապրիլի 14-ին: Ռուսական ինքնաթիռը մնացել է միջազգային օդային տարածքում և չի մտել ԱՄՆ կամ
Կանադայի ինքնիշխան օդային տարածք»,-ասվում է հրամանատարության հայտարարության մեջ:
Նշվում է, որ ԱՄՆ-ը Ալյասկայի մերձակայքում միջազգային օդային տարածքում Ռուսաստանի գործունեությունը սպառնալիք չի համարում։
Ռուսաստանի պաշտպանության նախարարությունը բազմիցս նշել է, որ ռուսական ինքնաթիռները թռիչքներ են կատարում չեզոք ջրերի վրայով օդային տարածքի օգտագործման միջազգային կանոններին համապատասխան՝ առանց օդային ուղիները հատելու կամ օտարերկրյա պետության ինքնաթիռներին մոտենալու։
