Թուրքիայի նախագահ Ռեջեփ Թայիփ Էրդողանի վարչակազմը հերքել է սոցցանցերում և մամուլում շրջանառվող լուրերը Գազայի բնակիչներին 10 միլիարդ դոլարով Թուրքիայում վերաբնակեցնելու պլանների մասին:
«Որոշ սոցիալական ցանցերում տարածված և մի շարք լրատվամիջոցներում հրապարակված այն պնդումը, թե «Նախապատրաստական աշխատանքներ են ընթանում, Գազայի բնակիչները 10 միլիարդ դոլարի դիմաց կվերաբնակեցվեն Թուրքիայում», չի համապատասխանում իրականությանը։
«Բացարձակապես խոսք չկա այն մասին, որ Թուրքիան, որն աջակցում է օկուպացիայի դեմ Պաղեստինի ժողովրդի արժանապատիվ պայքարին, կմասնակցի վերաբնակեցման ցանկացած ծրագրի, որը կտեղափոխի Գազայի բնակիչներին իրենց տներից», - ասվում է
Թուրքիայի Նախագահի Հաղորդակցության տնօրինության հակադետեղեկատվական կենտրոնի հայտարարության մեջ:
Տեղեկություններն այն մասին, որ Թուրքիան իբր աշխատում է պաղեստինցիներին Գազայի հատվածից Սիրիա կամ Թուրքիա տեղափոխելու ուղղությամբ, «ապատեղեկատվական արշավի արդյունք են», ասվում է հայտարարության մեջ։
