Ռուսաստանի Անվտանգության խորհրդի փոխնախագահ Դմիտրի Մեդվեդևը Գերմանիայի հավանական նոր կանցլեր Ֆրիդրիխ Մերցին նացիստ է անվանել՝ Ղրիմի կամրջի վրա հարձակվելու գաղափարի համար։ Այս կարծիքը նա հայտնել է X-ի իր էջում։
«Կանցլերի թեկնածու Մերցին հետապնդում են Հիտլերի՝ Վերմախտում ծառայած իր հոր հիշողությունները: Այժմ Մերցն առաջարկում է հարվածել Ղրիմի կամրջին: Երկու անգամ մտածիր, նացիստ»- գրել է ռուս քաղաքական գործիչը։
Ավելի վաղ գերմանացի պահպանողականների առաջնորդ Ֆրիդրիխ Մերցը, ով ակնկալվում է, որ մայիսին կգլխավորի Գերմանիայի նոր կառավարությունը, թույլատրել է Taurus թեւավոր հրթիռների առաքումը Կիև՝ պայմանով, որ այդ զենքի տեղափոխումը համաձայնեցվի Եվրամիության գործընկերների հետ։
Նա նշել է, որ ուկրաինացի զինվորականները գտնվում են պաշտպանական ռեժիմում, սակայն, նրա կարծիքով, պետք է հնարավորություն ունենան հարվածելու ռուսական ուժերի մատակարարման ուղիներին։
Մասնավորապես, այս համատեքստում, նա նշել է Ղրիմի կամուրջը։
