Իսրայելական զինվորականները մեկ օրում գրոհել են Գազայի հատվածում շուրջ 35 նոր թիրախներ։ Այս մասին հայտնում է բանակի մամուլի ծառայությունը։
«Վերջին օրվա ընթացքում Իսրայելի ռազմաօդային ուժերը հարվածներ են հասցրել Գազայի հատվածի շուրջ 35 ահաբեկիչների թիրախներին: Հարձակման թիրախներից են եղել Գազայի հարավում գտնվող զենքի արտադրությունը, որը զենք է մատակարարել ահաբեկչական կազմակերպություններին և հրթիռների արձակման հարթակ՝ ուղղված Իսրայելի տարածքին», - ասվում է հայտարարության մեջ:
Բացի այդ, ցամաքային ուժերը ոչնչացրել են հարյուրավոր մետր երկարությամբ թունել, որը գտնվում է գետնի տակ մոտ 20 մետր խորության վրա՝ անկլավի հարավային մասում գտնվող Ռաֆահ քաղաքի տարածքում: Զինվորականների տվյալներով՝ այն օգտագործվել է պաղեստինյան ՀԱՄԱՍ շարժման արմատականների կողմից և միացված է եղել տարածքի այլ թունելներին։
